الحراك الثوري : حالة الجزء الأسفل من الأمعاء الغليظة و القولون بعد وجبة مجهولة الهوية من مطعم البرنس في إمبابة
القصاص : عندما يلسعك ابوك علي قفاك بعدما قفشك بتشرب سجاير في بير السلم
الفلول : العيال اللي بيجروا ورا عربيّات الرش
السلفيين: احدى قبائل ما قبل التاريخ و ترتبط بقبائل البوشمن و الهوتونتوت في أحراش زيمبابوي.
الداعية: ناس ممكن تؤجرها باليوم علشان تِدْعي علي حماتك او مديرك في الشغل
الشرعية: كل مواطن من حقة يتجوز أربعة
التكفيريين : ولاد جاري اللي فوق اللي مكفرين سيئاتي و مش عارف انام من دوشتهم
الاشتراكية الثورية : ان مراتك تجيب اصحابها و يشتركوا سوياً في ضربك بالشباشب بعد اي خناقة
الفن الهادف : حفريات وجدت في مقبرة الفرعون آه-يانا-يامّه احد ملوك الاسرة ال٥٦ التي تم اكتشافها في السنبلاوين
والبقية تأتي....
ليست هناك تعليقات:
إرسال تعليق